HONDAKINAK PREBENITZEKO EUROPAKO ASTEA.Azaroaren 21etik 29ra

Aste horren baitan, azaroaren 28an herritarren parte-hartzea eta jasangarritasuna bultzatzeko antolatuko den bigarren eskuko merkatuaz gain, gordailu salmenta egongo da Triangulo plazan.

Herritar guztiak gonbidatuta daude zerbitzuan parte hartzera.

Zer da gordailu salmenta eta nola funtzionatzen du?

• Gure etxeetan soberan ditugun eta egoera onean dauden gauzak (liburuak, etxetresnak, jostailuak, apaingarriak...) eraman ditzakegu horretarako jarriko den postura.
• Postuan objektu horiek jasoko dira eta salmentan jarri, norberak jarritako prezioan.
• Behin merkatua amaituta, saldu bada jasotako dirua jabeari emango zaio eta saldu ez direnak, bueltan eraman beharko ditu.

Zergatik erabili gordailu salmenta zerbitzua?

• Erosoa delako: Ez duzu zertan postuan egon beharrik; guk saltzen dugu zure ordez.
• Jasangarria delako: Hondakinak gutxitzen parte hartzen dugu.
• Guztiok irabazten dugulako: Etxean lekua egingo duzu eta erabiltzen ez duzun hori beste bati erabiltzeko moduan jartzen diozu.

Nola parte hartu?

Eraman itzazu objektuak  9:30etatik aurrera Triangulo plazan egongo den postura. Gehienez 5 objektu onartuko dira (arropak eta bitxiak ez),  garbiak eta egoera onean. Prezioak zuk jartzen dituzu.

Eman bizitza berri bat zure objektuei eta egin dezagun herri jasangarriago bat elkarrekin!