Dejabu Konpainiaren Itzulera antzokian ikusleen begibistan eraikitzen den road movie lotsagabe eta psikodelikoa da. Antzerki konpainia bateko hiru kidek, Ainarak, Urkok eta Mirenek, Mexikora egiten duten bidaia kontatzen du erritmo biziko komedia existentzial honek.

Bizi eta sormen krisian dauden hiru protagonistak, diasporako euskaldunak elkarrizketatzera doaz bidaian, Etxepare Euskal Institutuak emandako beka bati esker. Ustekabeko gertaera batek bidaiaren norabidea erabat aldatuko du eta ikuslea deliriozko abentura batean murgilduko du, non ez diren faltako autoen pertsekuzioak, bidaia haluzinogenoak eta bizitza konplikatuko dien chihuahua bat. Autofikzio moduan idatzia, nortasunaren bilaketa eta gizakion erremediorik gabeko zentzugabekeria azaleratzen ditu antzezlanak, irudi hipnotiko eta ederrez beteta dagoen lan honetan.

Hiru aktoreez gain, David Aguilar zinegilea dago eszenatokian, irudiak denbora errealean sortuz eta errealizatuz. Ander Fernandez konpositoreak sortutako soinu-banda eder eta gogoangarriak, Andoni Mendizabalen argien diseinu iradokitzaileak (Paris, Texas-i keinu eginez) eta Barbara Rassok sortutako jantziteria fantasiazkoak osatzen dute arte eszenikoen eta zinematografikoaren arteko mugak lausotzen dituen proposamen berritzaile hau.

Emanaldi bakoitza esperientzia errepikaezina da, non publikoa abenturaren parte bihurtzen den. 

• Ideia eta zuzendaritza: Dejabu konpainia
• Antzezleak: Ainara Gurrutxaga, Miren Alcalá, Urko Redondo eta David Aguilar
• Zinegintza zuzenean: David Aguilar, Zazpiterdi
• Gidoia eta testuak: Ainara Gurrutxaga, Dejabu konpainia
• Bidelaguntza artistikoa: Iara Solano
• Gidoian bidelaguntza: Mariana de la Mata
• Musika konposaketa: Ander Fernandez
• Musika kolaborazioak: Iban Urizar (Amorante) eta Ander Mujika
• Eszenografia eta maketak: Dejabu konpainia, Urko Redondo
• Jantziak: Barbara Rasso
• Argi diseinua: Andoni Mendizabal
• Teknikaria biran: Andoni Mendizabal eta Josu Flores, Hodei Garazabal
• Mediazio eta kanpo begirada: Oier Zuñiga
• Burni lana: Alvaro Ledesma
• Miniaturak: Diah Setiawati
• Komunikazioa eta grafika: Rodriguez & Ndungmandun
• Argazkiak: Renata Etanoswki
• Off Ahotsak: Luis Alberto Rodriguez, Belacqua konpainia, Begoña del Teso, EITB albistegiak
• Banaketa: Artedrama, Irantzu Azpeitia
• Ekoizpen teknikoa: Dejabu konpainia, Miren Alcalá.
• Babesleak: Errenteriako Udala, Gipuzkoako Foru Aldundia, Eusko Jaurlaritza, Azala espazioa, L´Animal centre de creació

Sarrerak: web orrian eta Leidorreko leihatilan