Izan uda bizi-bizia, Udabizirekin! 

Udabizik biltzen ditu uda honetan Gipuzkoako haurrek eta gazteek egin ditzaketen aisialdiko ekintza interesgarriak, erakunde eta elkarte desberdinek antolatzen dituztenak; eta horrekin batera, udan astialdian aritzeko lan-eskaintzak.

Udaleku irekiak izan daitezke, edo kanpamentuak, tailerrak, auzolandegiak, etab.; gai zehatz bati buruzkoak (antzerkia, errugbia, esku-lanak, hipika, argazkilaritza, musika, eskubaloia, robotika…) nahiz orokorrak; herri batekoak edo lurralde osokoak… Aukera zabala da, eta edonork aurki dezake beretzat egokiena dena.