Aranzadi Zientzia Elkarteak herriko hainbat puntutan hegazti intsektujaleen habia-kutxak jarriko ditu. 

Guztira 30 habia-kutxa jarriko dira, eta horretarako herritarrei zuzendutako ibilaldiak egingo dira, ikerlariek gidatuta. Hiru dibulgazio-tailer izango dira guztira: otsailaren 15ean Elosegi parkean; otsailaren 16an Iurramendi Baratze Parkeko etxolan; eta martxoaren 9an, Zumardiaundian.

 Hitzordu guztiek ordubeteko iraupena izango dute: 11:00-12:00 bitartean. Publiko guztiei irekita.

Izena ematea 943 466 142 telefonora deituz edo www.bibe.me/ekitaldiak-aranzadi webgunearen bidez egin beharko da. Aforo mugatua.