Mando liburuzaina

Mando liburuzaina  Samaniego Herri Ikastetxeak liburutegiari  proposatutako kolaborazio-proiektua da.

Egitasmoari esker, Kolonbiako Guabas inguruko “El porvenir” izeneko  nekazaritza-komunitatean  liburutegi ibiltari bat (mando liburuzaina) abian jarri genuen 2008an.

Egitasmoak Kolonbiako Fundación Vital irabazi-asmorik gabeko erakundearen babesa du.

Garai horretan lortutako dirua honako beharretara bideratu zen: mandoa eta alportxak eskuratzera, kultur dinamizatzailea lortzera eta liburuak eta ikasmateriala erostera.

Gaur egun, bildutakoa zerbitzuari eusteko erabiltzen da: mandoaren janaria eta dinamizatzailearen soldata ordaintzeko, liburuak erosteko edo kultur ekintzak antolatzeko.

Nola lortzen dugu dirua?

Urtean zehar liburutegian xahututako funtsa (liburuak, DVDak, CDak…) eta erabiltzaileek egindako dohaintzak, bai liburutegira, bai ikastetxera, sanjoanetako azoka berezian saltzen ditugu postu batean: ale bakoitza euro baten truke.

Denok hartzen dugu parte salmenta solidario honetan: ikastetxeko irakasleek, ikasleek eta gurasoek, eta liburutegiko hainbat langilek.

Lagundu nahi diguzu?

Ekarri bigarren eskuko liburuak, DVDak, CDak… liburutegira.

Cita previa EU

Tolosako Udalak herritarrei arreta emateko zerbitzua eta erregistroa (UDATE)

Erosoago aritzeko eta itxaron beharrik ez izateko, aldez aurretik hitzordua hartzea gomendatzen dizugu. Horretarako, bete inprimaki hau, eta zuk emandako telefono-zenbakira deituko dizugu 24 ordu igaro baino lehen (egun baliodunean), eta zure kontsultari erantzun, edo hitzorduaren eguna eta ordua baieztatuko dizkizugu.

Ostegunetan 17:00etatik 19:00etara etortzeko, EZINBESTEKOA da hitzordua izatea.

ESKATU HITZORDUA

Pribatutasun-politika

Inprimaki honetako datuak jarduera hau egoki kudeatzeko jasoko ditugu. Tolosako Udalaren Informazio Sisteman sartuko ditugu eta datuak babestearen inguruko legedian aurreikusitako kasuetan bakarrik lagako dizkiegu hirugarrenei.

Datuetara sartzeko, datuak zuzentzeko, ezabatzeko, mugatzeko eta horien aurka egiteko eskubideak balia ditzakezu Udateren edo Egoitza Elektronikoaren bidez. Nahi izanez gero, erreklamazio bat ere aurkez dezakezu Tolosako Udalaren Datuak Babesteko ordezkariaren aurrean, dbdelegatua@tolosa.eus helbidera idatzita, edo Datuak Babesteko Euskal Agintaritzaren aurrean (www.avpd.euskadi.eus.). Informazio gehiago, hemen.

Hala eta guztiz ere, kontutan izan izapide gehienak Egoitza Elektronikotik eroso egin ditzakezula, hemen: Egoitza Elektronikoa. Horretarako, ziurtagiri digitala (hemen informazio gehiago) behar da.

Udal-izapideak egiteko makinak ere erabil ditzakezu. Udaletxeko atarian dago bat, eta Usabal kiroldegian bestea.