Tolosako Udalak Donibane Lohizuneko erailketa matxista arbuiatu du aho batez

Tolosako Udala
2024/05/06 | Berdintasuna
  • Tolosako Asanblada Feministak deitutako elkarretaratzearekin bat egingo du udalak

 

Tolosako Udalak bere gaitzespenik irmoena adierazi nahi du Euskal Herriko azken erailketa matxistaren aurrean. Joan den ostiralean, Donibane Lohizunen, bere bikotekideak eraildako emakumearen familiarekiko eta gertukoekiko elkartasuna adierazi nahi du Udalak. 

Era berean, udalak bat egingo du, Tolosako Asanblada Feministak astelehen arratsalderako deitutako gaitzespen-mobilizazioarekin. Trianguloan izango da, 19:00etan.

Halaber, Tolosako Udalak, herriko mugimendu feministarekin eta eragile sozialekin elkarlanean, indarkeria matxista desagerrarazteko borrokan jarraitzeko konpromisoa berresten du, indarkeria matxistarik gabeko herri baterantz urratsak emanez. Gisa honetako erasoen aurrean, samina eta zero tolerantzia adierazi du.

Cita previa EU

Tolosako Udalak herritarrei arreta emateko zerbitzua eta erregistroa (UDATE)

Erosoago aritzeko eta itxaron beharrik ez izateko, aldez aurretik hitzordua hartzea gomendatzen dizugu. Horretarako, bete inprimaki hau, eta zuk emandako telefono-zenbakira deituko dizugu 24 ordu igaro baino lehen (egun baliodunean), eta zure kontsultari erantzun, edo hitzorduaren eguna eta ordua baieztatuko dizkizugu.

ESKATU HITZORDUA

Pribatutasun-politika

Inprimaki honetako datuak jarduera hau egoki kudeatzeko jasoko ditugu. Tolosako Udalaren Informazio Sisteman sartuko ditugu eta datuak babestearen inguruko legedian aurreikusitako kasuetan bakarrik lagako dizkiegu hirugarrenei.

Datuetara sartzeko, datuak zuzentzeko, ezabatzeko, mugatzeko eta horien aurka egiteko eskubideak balia ditzakezu Udateren edo Egoitza Elektronikoaren bidez. Nahi izanez gero, erreklamazio bat ere aurkez dezakezu Tolosako Udalaren Datuak Babesteko ordezkariaren aurrean, dbdelegatua@tolosa.eus helbidera idatzita, edo Datuak Babesteko Euskal Agintaritzaren aurrean (www.avpd.euskadi.eus.). Informazio gehiago, hemen.

Hala eta guztiz ere, kontutan izan izapide gehienak Egoitza Elektronikotik eroso egin ditzakezula, hemen: Egoitza Elektronikoa. Horretarako, ziurtagiri digitala (hemen informazio gehiago) behar da.

Udal-izapideak egiteko makinak ere erabil ditzakezu. Udaletxeko atarian dago bat, eta Usabal kiroldegian bestea.