• Tolosako txakurren, euren jabeen eta bestelako herritarren artean elkarbizitza sustatzeko hain bat lan-lerro garatzen ari da Udala.

• Bi hitzaldi antolatu dira txakurren jabeei zuzenduta, egingo diren ekintzen berri emateko.

Txakurren jabe diren eta ez diren tolosarren arteko elkarbizitza sustatzeko lanean ari da Tolosako Udala, izan ere, geroz eta txakur gehiago daude gure herrian eta, hainbatetan, gatazkak edo gaizki-ulertuak sortzen dira txakurren jabeen eta gainerako herritarren artean.

Hori horrela, elkarbizitza indartzeko helburuarekin eta hainbat tolosarrek egindako eskaerari erantzunez, Tolosan bizikidetza sustatzeko hainbat lan lerro garatzen ari da Udala. Alde batetik, “Txakur eredugarri” programaren baitan, heziketa saioak eskainiko zaizkie txakurren jabeei, euren txakurrak hezteko baliabideak emateko eta ibilaldi praktikoen bidez txakurrak modu egokian eramateko lanketa egin eta paseo ohitura egokiak indartzeko. Tolosar guztiei zuzendutako hitzaldiak ere egingo dira, herritarrek txakurren jarrera eta mugimenduak uler ditzaten. Bestalde, Tolosako Udala herrian txakurrentzako soilik izango diren eremu gehiago sortzeko aukera ere aztertzen ari da, elkarbizitza sustatzeko urratsak egiten jarraitzeko.