Tolosako Udalak 2025-2026 ikasturteko kultur tailerretan izena emateko epea zabaldu du eta irailaren 14ra arte egongo da irekita. Herritar guztiek aukera izango dute adin eta interesen arabera egokitutako diziplinetan izena emateko.

Aurtengo eskaintzaren barruan daude, besteak beste, antzerkia (euskaraz zein gaztelaniaz), argazkigintza, balleta (hastapenetatik mailatik aurreratura), dantza garaikidea, eskulanak, ehoziri lana eta patchworka, pintura eta marrazketa, eta zeramika. Tailer gehienak helduei zuzenduta daude, baina badira haurrentzako ere, hala nola eskulanak eta balleta.

Izen-ematea hiru modutan egin ahal izango da: BakQ edo bestelako ziurtagiri digitala dutenek erregistro elektroniko bidez egin ahal izango dute. Aurrez aurre, bi tokitan egin ahal izango da: kultur etxean bertan, uztailaren 1etik 15era eta abuztuaren 25etik irailaren 12ra, arratsaldez, 16:00-20:00; eta UDATEn, uztailaren 1etik irailaren 14a bitartean (08:00-14:00). 

Ikastaroren batean leku kopurua baino izen emate gehiago egongo balira, zozketa bidez esleituko dira. Horrela, interesa duten herritar guztiek izango dute parte hartzeko aukera.