Azaroaren 29an egingo du hurrengo saioa Galtzaundik sustatutako irakurle taldeak eta landuko den liburuaren idazlea bertan izango da oraingoan. Ane Labaka Mayoz eta Beatriz Egibar Ollokiegi dira Erradikalak izeneko ikuskizunaren eta eleberriaren egileak eta Labaka bera gerturatuko da hitzordura. Irakurle taldearen saioa 19:00etan hasiko da Tolosako Kultur Etxean eta ohiko moduan Yurre Ugartek dinamizatuko du.