MusikaLeidor Zinema
Kategoriak
MusikaLeidor Zinema
EL AMOR BRUJO - EUSKAL BARROK ENSEMBLE
Tolosa 20400 Gipuzkoa 
ESZENA BONOA
EUSKAL BARROK ENSEMBLE Enrike Solinísek 2006an sortu zuen antzinako musika taldea da, han eta hemengo musikari bikain eta bereziek osatzen dutena. Nazioarte-mailan lekua egitea lortu du azken urte hauetan, gero eta kontzertu gehiago eskeiniz jaialdi eta areto garrantzitsuenetan: Bilboko Musika-Música, Donostiako Musika Hamabostaldia, Madrilgo Auditorio Nacional, Bruggeko Conzertgebouw, Vienako Konzerthaus, Regensburg-eko Jaialdia, Montreal Baroque, Festival de Fontfroide, Stockholm Early Music Festival, Spring Festival Prague, Flamenco Bïennale Nederand, Amuz-Antwerpen, NDR das Alte Werk-Hamburg etab.
Bere ezaugarri nagusi bezala honakoak aipa genitzake: musika freskotasunez eta gertutasunez egitea, errepertorio anitza jorratzea (interpretazio historikoan oinarrituz betiere baina Errenazimendu, Barroko nahiz beranduagoko musika, baita musika herrikoia ere) aurreritziez gaindi, eta inprobisazio, berreskuratze eta birsorkuntzari leku berezia egitea. Horri esker nazioarteko kritikaren oniritzia eta nola ez, funtsezkoa den publikoaren harrera beroa jaso ditu.
“El Amor Brujo; Esencias de la música de Manuel de Falla”
Alia Vox 2017k musika tradizionalak eta egile-musikak interpretatzeko proposamen berri bat planteatu zuen (Rodrigo, Falla edo Scarlatti, besteak beste), errepertorioa edozein sortzaile eta garaitara zabalduz. Publikoak eta nazioarteko kritikak berriro aipatu eta txalotu dute lan berri hau aldizkari eta hedabide askotan. Cecilia Rodrigo, Joaquin Rodrigo konpositorearen alaba. «Beste behin ere, hainbeste zor diodan aitak musikari bikaina aurkezten dit, nire estimua eta miresmena merezi dituena, Enrike Solinis. Enrike gitarra-jotzailea gitarraz harago joan da, eta Joaquín Rodrigoren paradisuan sartu da. Musikagileak, erudizio sakoneko musikologoak, musikaria izateaz gain, sortu eta birsortu egiten du, eta hori ederki ulertu du Enrikek, eta, denboran bat etorri ez badira ere, oso ondo ezagutzen du eta bere distira osoan eskaintzen digu».
Sarrerak: web orrian eta Leidorreko leihatilan
