OtrosTolosako Kultur Etxea

NIK KANTATU ETA DANTZA EGITEN DU MENDIAK - GRUPO DE LECTURA

OtrosTolosako Kultur Etxea

NIK KANTATU ETA DANTZA EGITEN DU MENDIAK - GRUPO DE LECTURA

Tolosa 20400 Gipuzkoa

2022. urtean ere euskarazko irakurzaletasuna sustatzeko helburuarekin jarraituko du Galtzaundiren irakurle taldeak. Aurten ordea, saioak asteartetara mugituko dira eta ohiko moduan Yurre Ugartek dinamizatuko ditu. Urtarrileko saioan, Irene Solàren Nik kantatu eta dantza egiten du mendiak lana aukeratu da, Joxean Elosegik euskarara itzulia. Beraz, datorren saioa, urtarrilak 25 asteartea, 19:00etan, Tolosako Kultur Etxean.

Pirinioetan bizi –eta hiltzen, edo hilik bizi– dira eleberri honetan hitz egiten digutenak. Ekaitzeko hodeiak mintzo zaizkigu, eta oinaztarria, eta heriotzan murgilduko den nekazari poeta ere mintzo zaigu, guri eta lurrari. Eta mintzo zaigu, baita ere, orduz geroztik seme-alabak bakarrik hezi beharko dituen alargun gaztea. Eta sorgin deklaratu ondoren urkatu zituzten lau emakumeak mintzo zaizkigu. Eta mendiak, eta perretxikoak, gizonezkoak eta emakumezkoak, eta mamuak, eta laminak, eta maitagarriak, orkatzak, txakurrak…

Lurra bera mintzo zaigu, noizbait mendiez erditu zen lur hori bera.

Mendi ikaragarri horiek mendetan ezagutu dituzte bertakoen bizimodu latza eta haien amodioak; ezagutu dituzte jazarpenak, ihesak, gerrak, gorrotoak. Mugako bizitza. Eta eder ageri zaizkigu beti; are ederragoak Irene Solà bezalako kontalari peto batek kontatzearen plazeraren oparia egiten digunean. Sen berezia darion begiratzeko eta kontatzeko modu teluriko batean, emakumezkoenak baitira eleberriko ahots guztiz gehienak. Akaso emakume baten eskutik soilik posible litzatekeen ikuskera baten arabera ehunduak.

Información
Tolosako Kultur Etxea
Cómo llegar