Tertulia Literarioko datorren saioa martxoaren 26an izango da. Oraingo honetan, Kae Tempesten ‘Antzinako berri-berriak’ narratiba izango da irakurgaia. Itziar Diez de Ultzurrun Sagalak itzuli du liburua.

Ohi bezala, Tertulia Literarioa Tolosako kultur etxean izango da 19:00etan, eta Yurre Ugartek dinamizatuko du saioa.

“Jainkoak edonon daudela, metroaren esperoan edo loteria erosten. Jainko bat edonor izaten ahal dela, makulu baten laguntzaz aldapan gora doan señora, bi haur sakelakoari begira, gizon nekatu bat bere gelan pornoa kontsumitzen. Olinpoa zure auzoa dela, berdin Iruñeko Etxabakoitz edota Londresko Lewisham izan. Kae Tempest poeta gaztea generazio mazatu baten ahotsa izatera iritsi da. Londres hego-ekialdeko kaleei bere doinua darie. Auzoko lagunei eskainia da ozen irakurtzeko poema hau, ingelesa/euskara edizio elebidunean ekarri duguna.